EN
繁
EN
那個送你夢想大頸鍊的老公
上年12月頭，收到一個趕急慨Order：客人Tony想訂Dream Big鑽石頸鍊比渠太太Pinky。
縱然節日，都會收到唔少急單，通常係因為要趕去Party，又或者約咗該晚食飯要送禮。但Tony慨原因，系渠要搭飛機去澳洲見太太了，所以呢張單係紅色警報訊號慨特急！
特急單就要睇嚇好唔好彩有無現貨，尤其要鑲鑽石慨呢款。
我好緊張咁遂條頸鍊反轉，睇嚇有無夢Big⋯⋯唉，無啊！！！！
但係有一個玫瑰金鑲咗鑽石但未刻字慨吊咀。
因為當時系樣，應該係對眼突曬出嚟又鼻窿擴大咁款，氣都唔敢抖等啲氧氣自己走入去鼻窿算！
最後搞掂！謝謝上帝！！！有種坐完過山車慨虛脫！
即刻同Tony報喜！回神之後，諗起訂Dream Big慨客人，好多都係比自己，又或者送比朋友。老公送比太太，我有一種莫名慨感動。我梗係要問啦！
「因為疫情，我哋一家四口已經分開兩地一年了，
渠一個人系澳洲又要照顧大女又要打理頭家好犀利。
所以當我去到一家團聚聚那時，我想俾返太太可以做返渠自己鍾意做慨事。
渠鍾意煮嘢食，所以我打算同渠一齊系澳洲開一間小咖啡館，發揮渠慨所長，
所以揀咗Dream Big勉勵渠。」
嫁得好！呢位太太中咗世紀頭獎！嫁咗一個覺得自己照顧家人而好犀利，又支持自己的夢想大慨老公！上上簽！上上簽！
對於當夢想，有時旁人唔出聲已經算算系幫忙（冷水永遠比熱水多）。但當你生命中追位陪你到最後慨人系支持你去追夢的話，就好似你要爬一條追夢慨木梯，而渠就喺下面扶實，等你安心一步步爬上去。你無事時渠幫你扶穩條梯，你爬到驚慨時候望返轉頭，渠會叫你繼續爬唔洗驚，就算你落返嚟渠都一樣喺度。
幾日前我再問Tony近況，佢話：
“多謝你！我哋呢邊生活都好好呀。我太太仲好鍾意條頸條鏈添“
如果將來我去澳洲，希望食到太太Pinky煮慨嘢啊！
（圖片為Tony及Pinky❤️）
＃鼓勵＃綠河＃賦權＃鑽石項鍊＃鼓勵
發表評論
評論將在展會前獲得批准。
此外，在 Green Rivor的博客
等幾耐都等你
我個個咗娘，渠嫁食都仲未落嚟，都忍唔唔諗：「呀人哋該⋯，想點呀你，行快啦啦唔⋯⋯」
終於終於！不過唔係到咒⋯
