是這樣拍拖的？我好脫節啊！

2019 年 2 月 15 日

2019年2月14日。站。

尋晚喺車站，準備起跑趕往會合老公時，我比個好後生慨男仔吸引咗，心都跳埋落路軌！
·
其實係我望到渠嗰一刻，嗰半秒內，渠慨眼神就啱啱同我前面個女仔對上。渠一見到個女仔出現，就即刻反射動作咁將個頭向左chok一chok，然後再向右chok一chok，幅度好微細亦好快，可以話系暗chok。呢一連串慨動作，其實係想確保渠額前慨頭髮無走位，即係，唔洗一件都可以撥到前面慨頭髮（你明唔明？）。雖然一個頭鬱緊緊，但渠慨眼神仍然可以置中，一直望住個女仔。
·
一直上到扶手電梯，渠地慨距離都唔係屬於情侶級的。個女仔將一邊耳筒比個男仔試聽，然後又攞返，雖然超好笑容咁不斷同個男仔講嘢，但個男仔都只係默默咁聽，然後⋯⋯個男仔仲要行上咗一級！
·
我睇到呢度，一個心真係七上八落，喂喂你地約得情人節食晚飯，但又似是而非咁慨？OMG系唔係今晚會表白啊！我呢個路人甲喺後面真係好緊張（痴線⋯⋯關我咩事其實），好想為你地大大的給力呀！
·
搭完扶手電梯，渠地行咗幾步，終於比我等到啦！
·
一個女仔主動去撈男仔慨手臂，然後再順勢拖住渠隻手。
·
你樣，呢個應該系渠地第一個情人節。（你就比我當系啦！）
·
然後我將成一個劇情倒帶再重溫：
·
渠見到個女仔啱啱嚟到慨嗰一秒，真係眼裡有星光：由到到興奮到溫柔，我完全看在眼裡。女仔用分享耳筒嚟遮掩約會約會興奮，男仔因對渠既熟悉（已經系女朋友）又陌生（啱啱先做女朋友），愈想走近但愈要行開，然後不知所措措咁行上咗一級⋯⋯
·
令我心動慨，唔係渠地本人，而係呢種最RAW最真實慨眼神同埋，我成日掛喺口邊慨，愛。
·
沒有修飾慨情感一定係最動人，所以你地知唔知由2月11至2月13號呢三日里面，我真係處於非常緊張慨狀態，驚件貨遲到，驚會令你送唔切。呢幾日慨訂單，九成都係男士買比另一半做情人節禮物，每個訂單寄出前，我都會祝福件首飾，希望你地喺送禮物嗰一刻系最甜蜜的，因為你送慨唔系一件物件，而係愛。我會期待你送比渠慨時候，都會有嗰種眼裡有星光慨眼神，真心祝福你地直到永永遠遠。
·
（圖片為當時的人，我好想留住人地嗰一刻）
（相入面渠地實際上無拖住，女仔慨右手仲揸住銀包）

分享到：

發表評論

評論將在展會前獲得批准。

名字 *

信箱 *

評論 *