人不可以貌相

14年 2021月 XNUMX日

人不可以貌相

人真的不可以貌相-不要以封面來判斷這本書

我慨工作室有一位好特別慨鄰居:一個年過七十慨伯伯👴🏻,目測無五尺高。細細粒又細細聲。

由渠慨雜物,估計佢係做裝修電工維修之類。不過同佢唔熟,只係點嚇頭打招呼。但呢位伯伯,真人不露相,同大家先分享嚇渠幾件事:

🔅🔅🔅【門唔係用嚟爆的💣💣】🔅🔅🔅

有一日,錄緊音時聽到出面噪住曬,出去一睇,勁嘢!阿伯伯喺門同天花之間個位開窿!我以為渠裝冷氣,原來渠道門有雜物頂住咗開唔到,就算有鎖匙都無用。

點算呢?渠就擔堂木梯,攞住個木鋸,爬上去鋸咗個「冷氣位」出嚟。咁好勁咩?勁,但未系最勁!

最勁系,眨眼間唔見咗渠,因為渠由個窿爬咗入去開門了!🧗🏻‍♂️

窿!!!!!個窿離地八尺咁高,好功夫呀阿伯!🥋🥋🥋

第二日,個窿無咗,只剩返四條痕,因為渠補返了,好似乜都無發生過咁。

比著我,只有爆門🤾🏻‍♀️🤾🏻‍♀️呢個方法,就算好似阿伯咁自製冷氣窿咁爬入去,都一定卡實半天吊⋯⋯點落地呀?

🔅🔅🔅🔅【開壇】🔅🔅🔅🔅

同渠熟慨轉捩點,係有次佢喺𨋢口百花齊放咁攤曬啲零件出嚟整嘢,渠坐喺中間,真係好似孔雀開屏,我忍唔住同渠講:喎!」

伯伯聽到後,咯咯笑到對眼咪起一條線:“哈哈,呵呵呵,開壇!係呀開壇呀!”

跟住就熟咗了。

🔅🔅🔅🔅【送水】🔅🔅🔅🔅

有次伯伯見到我攞個電水煲準備就緒水,渠即刻叫我唔好飲大廈慨水,話渠見過條管進入面慨污糟嘢積到好厚🤮🤢。了。

第二日返到去,伯伯送咗支水比我,話自己一買就買好多,比支我等我唔好再飲大廈慨水。

我即刻覺得人間有情,忍住慨眼淚應該有嗰支水咁多💧💧💧。

伯【伯伯慨真正身份】🎉

我問佢咪去街,佢話同老婆食下午茶,我忍唔住又撩嚇伯伯:「咁開心去拍拖啊! 」渠又笑到見牙唔見眼:「哈哈哈係呀,拍拖啊!💞」

我一直以為阿伯喺間房入面住,仲覺得佢好可憐,咁大年紀仲要日日拉住咁多嘢去開工,張床又可能好細,要同啲雜物一齊訓⋯⋯

「阿叔我仲以為你喺度住添!」

「啊,呢度我租嚟放雜物之嘛!我同老婆鬥氣,做乜渠都投訴(下刪一百字),我咪租個地方搬啲嘢出嚟囉!)

(重點嚟嘞⋯⋯)

「我有三個物業🏠🏠🏠,賣咗兩個,而家同老婆一齊住喺嗰度⋯⋯」
「我有三個物業🏠🏠🏠,賣咗兩個,而家同老婆一齊住喺嗰度⋯⋯」
「我有三個物業🏠🏠🏠,賣咗兩個,而家同老婆一齊住喺嗰度⋯⋯」
「我有三個物業🏠🏠🏠,賣咗兩個,而家同老婆一齊住喺嗰度⋯⋯」

🤯🤯🤯🤯🤯

咩話?你講咩話?????

我聽到呢度,一個腦一片空白,我記得自己好似講咗句:「阿叔你咁有錢仲日日咁辛苦做嘢?」

「無呀,得閒咪執嚇紙皮賺少去去喝個下午茶囉⋯⋯」

🤯🤯🤯🤯🤯

然後我斷片,糊裹糊塗唔記得自己咩反應了。

由伯伯個門口去到我門口,唔洗十步。喺呢十步裡,我深切地領悟到一個宇宙真締:

書不可以睇封面,
人不可以貌相!

伯伯慨故事,inspire我去做一個人間物語慨吊鉤。唔係名人故事先至好睇,隔離阿叔慨故事分分鐘勁到令人驚嘆片。

我好鍾意寫人慨故事,太精彩了!尤其係呢啲人不可以貌相慨情節,簡直系一盆新鮮曲奇🍪🍪🍪!可口回味!



發表評論

評論將在展會前獲得批准。


此外,在 Green Rivor的博客

呢個世界總會有人想起你
呢個世界總會有人想起你

March 28, 2021

原來「呢個世界總會有人想起你」,呢句話系真的。

又,我呢排有啲懷疑自己,有啲想法係咪太天真。簡小姐慨再次出現,似系話比我知,有人系默默支持緊你,渠哋未必會出聲,但渠哋真係世界度。而世界就係要加多幾個茶匙慨天真,一個天真慨行為,可以帶比人十幾年慨美好回憶。

查看全文→

第二次表白 - 投稿
第二次表白-投稿

February 05, 2021

喺今年慨情人節,向同你拍咗拖/結咗婚已有一段日子慨女朋友/太太再次表白,除咗有機會得到渠慨眼淚💧,更可以得到Green Rivor 慨折扣券💵甚至鑽石首飾 💎!截止日期:2021年2月11日 

查看全文→

那個送你Dream Big頸鍊的老公
那個送你Dream Big頸鍊的老公

17-2021-XNUMXTXNUMX:XNUMX:XNUMX

但當你生命中嗰位陪你到最後慨人系支持你去追夢的話,就好似你要爬一條追夢慨木梯,而渠就喺下面扶實,等你安心一步步爬上去。你無事時渠幫你扶穩條梯,你爬到驚慨時候望返轉頭,渠會叫你繼續爬唔洗驚,就算你落返嚟渠都一樣喺度。 

查看全文→

訂閱我們的最新優惠

點擊上圖並訂閱我們的最新通訊,以獲取您的首次購買優惠券。