呢個世界總會有人想起你

<span class="notranslate">2020年3月4日</span>

早幾日收到一張紙訂單，客人個名好眼熟：同我第一份工（真係非常多年前⋯⋯）一個供應商個名一樣。因為一個串法係幾特別的，所以記得。但都係諗名有相似而已。

後來收到呢個客人慨email，原來真係渠！我叫佢做簡小姐👩🏻。

其實喺工作上遇到慨慨supplier有好多，但呢個真係好記得：因為我及其他同事都覺得佢唔係人，而真係跌咗落嚟慨天使💫，唔屬於地面的。佢係好人到，連辦公室裡面的意思是爆慨同事都會放渠一條生路。

離職之後都偶然有聯絡，但漸漸都係失聯。

有一段日子，我同老公會向花店訂幾個花籃💐，失驚無神咁送去比啲最近唔開心，又或者好耐無聯絡慨朋友。簡小姐都喺我名單之內。因為渠好特別，所以我好想渠開心，同埋雖然無聯絡，但心血來潮，覺得要送比渠。

渠收到之後話比我知，原來渠嗰排無論身體定係屋企，都遇上問題，所以佢好開心收到花。

無記錯應該系十幾年前慨事了，我已經唔記得。點知渠記到而家！

渠信入面渠提起我以前同渠講慨嘢，送花慨事，以及渠慨近況。雖然渠身體仍然有啲問題，但天使慨性格系唔會因為發膚慨傷害受損而改變慨！一邊睇住渠慨信，一邊回憶起啱啱出嚟做嘢慨自己，真係算好幸運，至少遇到好多好人，包括簡小姐。

渠訂咗一條平安慨手鍊比自己，我加碼送多個銀牌比渠，刻咗我希望渠擁有慨祝福。

原來「呢個世界總會有人想起你」，呢句話系真的。

又，我呢排有啲懷疑自己，有啲想法係咪太天真。簡小姐慨再次出現，似系話比我知，有人系默默支持緊你，渠哋未必會出聲，但渠哋真係世界度。而世界就係要加多幾個茶匙慨天真，一個天真慨行為，可以帶比人十幾年慨美好回憶。
分享到：

發表評論

評論將在展會前獲得批准。

姓名 *

電郵 *

留言 *